A "comuñón"
é realmente a boa nova,
o remedio que o Señor deunos
contra a soidade que a todos ameázanos hoxe,
o don precioso que nos fai sentirnos acollidos e amados en Deus...

Benedicto XVI

Entre as novas correntes espirituais suscitadas polo Espírito Santo, para facer resplandecer o rostro da comuñón na Igrexa, está a espiritualidade da unidade ou de comuñón, típica dos Focolares, espiritualidade comunitaria, froito do amor recíproco que ten como modelo a medida de Xesús, segundo o "mandamento novo". É un amor que leva espontaneamente o don total de si mesmo -comuñón de bens espiritual e material- suscitando un novo estilo de vida que teña a característica da reciprocidade. Aquela reciprocidade que xenera a presencia espiritual de Xesús, prometida por El "a dúas ou máis reunidos no seu nome" (cf Mt 18,20) e que fai experimentar os dons do Espírito, como forza, ánimo, luz, amor.

Unha espiritualidade que inflúe tamén nas persoas chamadas á vida consagrada, ou ao servizo pastoral do pobo de Deus, como bispos e sacerdotes.

Os relixiosos e relixiosas, a través dela, comprenden mellor os seus propios fundadores; redescobren as súas regras, alimentan unha fonda unidade cos seus superiores e producen unha renovación na vida de comunidade.

Os sacerdotes, vivindo en unidade entre eles e co seu bispo, experimentan a realidade de ser unha familia espiritual, con grandes froitos para o seu ministerio. Xa no ano 1966 comezaron a participar nas Mariápolis, en España. Hoxe son moitos os sacerdotes que fixeron propia a espiritualidade dos Focolares, en máis de vinte dioceses, con gran beneficio dos seus presbiterios e comunidades parroquiais.

Este estilo de vida suscita vocacións e axuda tamén os seminarios para converterse en centros de irradiación.

Tamén bispos, católicos e doutras Igrexas, enriquécense con esta espiritualidade evanxélica.

Igrexa comuñón - A través do servizo pastoral de bispos, sacerdotes, relixiosos e relixiosas, nacen novas comunidades vivas nas que resplandece a Igrexa-comuñón, como suxire a Novo Millenio Ineunte. Realízase, ademais, a comuñón desexada desde sempre entre os mesmos Institutos relixiosos, e co clero diocesano e o laicado.

En 1966, como resposta a un desexo expresado polo Papa Paulo VI, Chiara Lubich deu inicio ao Movemento Parroquial, invitando ás persoas do Movemento que prestan un servizo na parroquia, para que animasen esta "célula da igrexa" co espírito da unidade: "é necesario afondar e desenvolver a caridade dentro das comunidades parroquiais, para que a través do lume de Cristo poidan disolver o xeo do mundo, e mostrarse como un signo de unidade e verdadeiro testemuño da Igrexa". Un programa que mostrará unha perfecta sintonía co que o Papa Xoán Paulo II indicou na Novo Millennio Ineunte: "facer da parroquia casa e escola de comuñón".


Máis información sobre:


- Sacerdotes e seminaristas
        . Sacerdotes

- Vida consagrada

- Parroquias
        . Unha espiritualidade para a Parroquia
        . Influencia na comunidade parroquial
        . Un pouco de historia